..مالك؟
*مالي ما أنا كويسه اهو
..اومال بوزك شبرين ليه؟
*ولا شبرين ولا حاجة بضحك :) اهو
..مالك بجد ؟!
*مش عارفه عايزة اسمع و مردش مش عايزة افكر ولا افتكر حاجة ولا احس اي شعور اتجاه اي حاجة
نفسي ابقا "تلاجه متنحه"
..طيب انتي عايزة ايه دلوقتي؟
*عايزة ابطل اعمل سبع رجاله في بعض واني لسه قويه عايزة اعيط اوي بس عارفه اني مش هلاقي حد يطبطب عليا فملوش لازمه
..هو ايه اللي حصل يا بنتي؟
*اللي حصل.....ياااااااااااه الكلام بقا يوجع اوي والسكوت بقا حمل تقيل اوي
..أنا مش فاهمه منك حاجة !!
*ولا انا فاهمه حاجة حاسه اني ماشيه في طريق كله علامات استفهام وصوت جوايا بيصرخ ويقول يارب
..طيب هتعملي ايه دوختيني معاكي!!
*هناااااااام وعايزة اصحي الاقيني في حته تانيه او افقد الذاكره ومش عايزة احلم ولا افكر ولا احس
..أنا همشي دلوقتي عايزة حاجة؟
آه ممكن تحضنيني اوي وتقوليلي متخافيش
هناك 28 تعليقًا:
متخافييييييييييش
مش قولنا فكى بقى
روقى يا قمرة زوبعه وهتعدى
متزعليش نفسك ابدا خالص تانى نهائى
طب بجد يارتنى كنت شافيكى فعلا واحضنك واقولك متخفيش ربنا ميسبش حد ابدا يحس بالوحدة والخوف
افتكرى اصحابك الى بيحبوكى اترمى فى حضن امك افتكرى حاجات حلوة عدت
قولىىىىىىىىىىىىىىىىىىىىىىى ياااااااااارب
ربنا يسعدك ويحلى ايامك
بحب اوى كلمة يحلى ايامك تحسى كلمة ملزقة جايه من العسل والسكر
(`'·.¸ (`'·.¸*¤* ¸.·'´) ¸.·'´)
♥*** happy feast ***♥
(¸.·'´ (¸.·'´*¤* `'·.¸) `'·.¸)
*************************
اده اده
ايه المود دة
حصل امتى الكلام دة
بجد زعلتينى
هو مين ولا فيين اللى مزعلك هتهولى وانا افرمو
حد يقدر يزعل القمر الاميرة بنت الومرة
لالالالا
خليكى ديماّ وثقه فى ربنا وفى نفسك
ماتضعفيش ابدا مهما كانت الظروف
خليكى انتى الاقوى بروحك وايمانك
كدا احنا مش حنفرح بل عيد وانتى زعلانه
خليكى مع ربنا واصحابك اللى بيحبوكى
متيأسيش خليكى ديماّ متفأله
كدة الكوكب هيضلم من غير ماتكونى فرحانه
ربنا يكرمك دة انتى اميرة بنت الاومرة
تحياتى
رئيس الجمهورية
:((
الكلاد ده وجعنى اوىىىىىىىىىى,,
تعرفى بيعجبنى اوى تعبييرك عن مشاعرك ياموره انا قولتلك ده قبل كده..
بس تصدقى فعبل اوقات بنحس اننا مش عاوزين نعمل اى اكشن زى مقولتى كده تلاجه.
بس اضحكى باه وخليكى جميله ومتخافيش..
تسلمي على كتاباتك يا اميره
وكل عام وانتي بخير واعاد الله عليكي الايام بالخير
تقبلي مروري
قولى يارب
كل سنة وانتى طيبة وبخير
عيد سعيد
كل سنه وانتي طيبه
انا حاسه بيكي اوووووووووي
لاني بمر بنفس الحاله تقريبا
ادعيلي بقى اني افقد الذاكره
ياااااااااااارب
*هناااااااام وعايزة اصحي الاقيني في حته تانيه او افقد الذاكره ومش عايزة احلم ولا افكر ولا احس
عايزه اعمل كده اوى اوى اوى
كل سنه وانتى طيبه ومتزعليش بقى كله بيعدى
بداية عيد سعيد اتمناه لك مع خالص الدعاء ان يفرج الله همك ان شاء الله
تانيا أعجبني أسلوبك في التعبير عن مشاعرك اسلوب سلس ويشد المتلقي ويعيشه معك
اوقات يكون عندي نفس شعورك أحب ان أعيش ضعف الانثى ان أرتمي في حضن وأبكي لكن الحياة لاتريد من هذا لابد ان نتماسك وان نكون أقوى
انا عندما أحس بهذا الشعور ألجأ للقرأن انه شفاء للقلوب
مرة أخرى عيد سعيد وارمي الهموم وراء ظهرك صدقيني عندما سيمر الزمن ستندمين على هذه اللحظة التي ضيعتيها مكتئبة
تحياتي لك
عسى كل ايامك عيد :)
حاسه بيكى قوى
لان الاحساس ده عدى عليا كتير
اقولك عيطى لوحدك هترتاحى
وفكك وعيشى اعملى دماغ لا مبالاه فتره هتريحك
كل سنة وانتى طيبه:))
بصى يا أميرتى الجميلة
انا ممكن قوى أضحك عليكى و اقولك ..متخافيش خالص من أى حاجة
بس زى ما قولتلك ..أبقى بضحك عليا
لأن انا شخصياً خايفة ..
من إيه؟؟
معرفش
و لا انتى تعرفى
أصل زمان قالوا الناس أعداء ما جهلوا
و حيث إننا مش عارفين بكرة فيه إيه؟؟
و حيث إن الناس اللى مفروض تشاركنا خوفنا و تقلل من حجمه شوية لما تونسنا و الواحد ميبقاش واقف لوحده فى الطل كدا
و حيث إن الزعل بيخلى الواحد مش طايق يسمع أى كلام متفائل و مبيحسش بطعمه ...
لكل هذه الحيثيات هقولك
خافى و لا يهمك حاجة
و عيطى و لا يهمك حاجة
و لو كنت عندكو دلوقتى كنت مش هستنى لما تطلبها من حد و كنت هخدك فى حضنى و نعيط سوا تلات اربع ساعات لحد ما الناس تفتكرنا مجانين ...و يقولوا
فى إيه؟!!!!!
بوسة و حضونة يا أميرة على حق
و كلمة فى سرك
دا إسمه إكتئاب المواسم و الأعياد اللى اختك فاتيما من مؤسسيه فخدى الحكاية عادى و متقلقيش كله هيروح
بس ياخد وقته
مرمر
ولايهمك ياقمر
وزى فاتيما ماقالتلك ان دا اكتئاب المواسم والاعياد
والله كلنا بنحس نفس الاحاسيس دى
تحياتى
وكل سنه وانتى طيبه
كنت جاي أقول كل سنة وأنت يطيبة وعيد سعيد بس كده قلقتينا عليكي
أرجو أن تكوني بخير
تحياتي
دائما هناك من يهتم لامرنا
كل عام وانتي بخير دايما
تحياتي
كل سنة وانت طيبة
وايه المود ده؟
احنا فى عيد
نفس الحاله اللى انا فيها
بالظببببببببط
هو فى ايه هيا فى الجو اميرة انتى 5 حد يقولىا لحالة دى من امبارح لغاية النهاردة انا واحد من الخمسة ومش عارف بجد وكل شوية اسأل نفس السؤال فى ايه
التغييير هو الحل بقول لنفسى كدا
اه يمكن هو
كل سنه وانتي طيبه
ليه بس الكلام دا
ربنا يفك كربك يارب
وان شاء الله خير
انتي مش هتخافي .. مش عشان حضن اداكي الامان ..
لأ .. عشان انتي عارفه ان ربنا معاكي .. وان ربنا دايما بيخبيلنا حاجات جميله ..
يااارب تكوني احسن
وياااارب يبقي عيد سعيد عليكي
ازيك ياطنط
كل سنة وانت طيبة
ايه ده كله..؟؟
كل الناس مكتئبة كده يا ربي..؟!!
طب مين يواسي مين بقى..كل ما ادخل مكان الاقي اصحابة زعلانين م الدنيا..
وصحيح الكلام ساعات بيوجع اكتر ما بيريح
ربنا يهديلك الايام الجاية
كل سنه وانت طيبة يا ميرو
وانا زيك وحياة ربى...
انا قلت نفس الحوار دة بحذافيره من كام يوم
متخافيش...لست وحدك
كل سنه وانتى طيبه يا حبيبه قلبى
عيد سعيد عليكى وعلى كل حبايبك يارب
ربنا يسعدك ويفرج كربك يارب
متخافيش
أشكرك علي تعليقك
وأتمني تكوني من المتابعين
الله يا اميره على البوست الجميل دا بس مش عارف ليه كل ما اعلق الكومنت مش بيظهر
ومش عارف ليه بس انا مصر اعلق عشان اقولك البوست جميل جدا والفوتو بتاعته حلوه اوى وتشد الواد انو غصب عنوا يقرئ الموضوع ودا جميل اوى لما تحسى ان اجبارى من جواكى لازم تقرئ البوست وبجد مندمتش انى قريتو ومن قلبى بتمنلك كل خير وسعاده وصحه وتوفيق وفرح وابتسامه تدوم يا رب طول العمر
وكل سنه وانتى طيبه يا اجمل اميره
شعور مرعب
حسيته اوى من كلامك
ربنا معاكى
بجد كلماتك بسيطه أوى بس فيها أحاسيس أوى
إرسال تعليق