النهارده غير اي يوم!

النهاردة كان يوم مختلف بجد!!!

النهاردة قابلت ليدي صاحبه مدونه روح طفله مش عايزة تكبر

النهاردة ليدي جابتلي ورد وهي بتتدهولي انا تنحت دقيقه وانا بقولها ده ليا انا

قالتلي لا وكمان معاه كادو :)

النهاردة انا كنت مبسوطة اوي اني شوفتك وكان نفسي اشوفك من اول ما اتكلمنا

النهاردة انا اتأكدت ان لسه في ناس طيبه بجد

النهاردة اتاكدت ان لسه في ناس رقيقه بجد ونظيفه اوي من جوه ان في ناس ممكن تحبهم ويحبوك

من غير مصالح من غير تبادل منافع في اي حاجة

ليدي.....انتي حد بجد حلو اوي رقيق اوي طيب اوي

ليدي.....انا مبسوطه اوي ان ليا واحدة صاحبتي زيك

بجد بجد انا بحبك اوي وربنا يخليكي ليا ونفضل اصحاب ع طول

انا حاصلي الفتره اللي فاتت حاجات مش حلوة كتير ضاعت مني حاجات كتير

بس ربنا عوضني بناس كويسه اوي اوي طيبه اوي اوي

ربنا معايا بجد ربنا كريم معايا اوي يارب انا بحبك اوي

الحمدلله ليك يارب ع كل حاجة واي حاجة

نصيحة.....الدنيا لسه فيها الخير الدنيا من وحشه اوي زي ما احنا شايفناها الدنيا فيها الحلو وفيها الوحش

نعكش انت بس هنا وهناك وهتلاقي الناس اللي بجد يتقال عليهم ناس

طول ما انت حاسس ان ربنا مش هيخذلك ابدا فربنا معاك بجد وهيكرمك بجد